ᲩᲕᲔᲜ ᲨᲔᲡᲐᲮᲔᲑ

იქომერს ასოციაცია საქართველო დაარსდა 2020 წელს, საქართველოში ელექტრონული კომერციის გარემოს ხელშეწყობის და გაუმჯობესების მიზნით. დაარსების დღიდან, ჩვენ ვახორციელებთ მნიშვნელოვან პროექტებს და ინიციატივებს, რომლებიც დადებით გავლენას ახდენენ ჩვენს წევრებზე და მთლიანად ელექტრონული კომერციის საზოგადოებაზე.

COVID-19-ის პანდემიამ უამრავი ბიზნესი გამოწვევების წინაშე დააყენა. ამის საპასუხოდ, ჩვენ ჩავატარეთ ვებინარების სერია, რომელიც ღირებულ ცოდნას და ინფორმაციას აწვდიდა ბიზნესის მფლობელებს. ამით ჩვენ ურთულეს პერიოდში დავეხმარეთ ბიზნესს ციფრული ტრანსფორმაციის ნავიგაციაში და ონლაინ გაყიდვების ზრდაში. აღნიშნული ვებინარებით მიღებული ინფორმაცია და გამოცდილება საციცოცხლოდ მნიშვნელოვანი აღმოჩნდა კომპანიებისთვის განვითარებად ბაზარზე გადასარჩენად.

დავაფუძნეთ ელექტრონული კომერციის აკადემია, რომელმაც დიდი წარმატება მოიპოვა: აკადემიის 40 სტუდენტი, რომლებმაც, ჩვენთან სწავლისას, ელექტრონული კომერციის ყოვლისმომცველი ცოდნა და უნარები შეიძინეს, დასაქმდნენ ადგილობრივ კომპანიებში და დიდი წვლილი შეიტანეს საქართველოში ელექტრონული კომერციის სექტორის ზრდასა და განვითარებაში.

Trustmark-ის ინიციატივა - კიდევ ერთი გამორჩეული პროექტი, რომელიც ჩვენმა ასოციაციამ განხორციელა. ეს პროექტი მიზნად ისახავს ნდობის და სანდოობის გაძლიერებას ელექტრონული კომერციის სფეროში ინტერნეტ მაღაზიების სერტიფიცირებით, რომლებიც აკმაყოფილებენ უსაფრთხოების, კონფიდენციალურობისა და მომხმარებლის დაცვის სტანდარტებს. Trustmark-ის ჩვენებით, ელექტრონული კომერციის პლატფორმებს და ინტერნეტ მაღაზიებს შეუძლიათ გაამყარონ ნდობა მომხმარებლებში და ხელი შეუწყონ უსაფრთხო და საიმედო ონლაინ შოპინგის გამოცდილებას.

ჩვენ ვამაყობთ, რომ მივიღეთ დაფინანსება USAID-ისგან ჩვენი ასოციაციის მდგრადობის პროექტისთვის, რომელიც საშუალებას გვაძლევს გავაგრძელოთ ელექტრონული კომერციის ეკოსისტემის მხარდაჭერა და განვითარება საქართველოში. ეს პროექტი მოიცავს სხვადასხვა აქტივობებს, რომლებიც მიზნად ისახავს ჩვენი ასოციაციის და მისი წევრების შესაძლებლობებისა და მდგრადობის გაზრდას.

ჩვენი ერთ-ერთი ფლაგმანი ღონისძიებაა ყოველწლიური ელექტრონული კომერციის დღე, პრესტიჟული შეკრება, რომელიც აღნიშნავს მიღწევებსა და ინოვაციებს ელექტრონული კომერციის ინდუსტრიაში. ეს ღონისძიება ემსახურება როგორც ადგილობრივი ბიზნესების გაძლიერებას და თანამშრომლობის ხელშეწყობას, ასევე საერთაშორისო მოთამაშეების მოზიდვას, რაც მათთვის იდეალური შესაძლებლობაა შექმნან სტრატეგიული პარტნიორობა ქართულ ელექტრონული კომერციის საზოგადოებასთან.

ეს ჩვენი წარმატებული პროექტების მხოლოდ რამდენიმე მაგალითია. ჩვენ მუდმივად ვიკვლევთ ახალ გზებს საქართველოში ელექტრონული კომერციის ზრდისა და წარმატების ხელშეწყობისთვის. შემოგვიერთდით "იქომერს ასოციაცია - საქართველო"-ში და გახდით ჩვენი საქმის ნაწილი, რათა გავაძლიეროთ ელექტრონული კომერციის მომავალი ჩვენს ქვეყანაში.

ერთად შეგვიძლია მივაღწიოთ წარმატებას და გავაძლიეროთ საქართველოში ელექტრონული კომერციის პოტენციალი.